Die Zeit vergeht

Seit dem letzten Eintrag im Sommer ist vieles gegangen bei uns. Mit viel Aufwand habe wir die Räumung des Felbenhüsli zusammen mit den Geschwistern abgeschlossen, damit mit bauen begonnen werden kann. Auch der kleinste half mit und genehmigte sich samt allen Kleidern eine Abkühlung.

Die Besuche der Urgrosseltern sind immer wieder eine Bereicherung und der kleine Lars geniesst es sie in Anspruch zu nehmen.

Der Herbst kam schnell. So unternehmen wir noch einen Ausflug ins Dälhölzli, besuchten die Papageientaucher und die Moschusochsen und bewunderten die vielen neuen Tierkinder

Oberalp-Maighels

Für drü Täg si mer no id Maighelshütte ga Wandere u hei üs fasch z Norwege gfüelt mit dere wyte Landschaft.

Troumhafte Usblick vor Hütte its Val Maighels

Dr Tag vergeit überem Oberalppass

Mir si gägä ds Val Maighels gstartet, am Bach nah über schoni Schwemmböde. Eigentlech hei mir nume ufe Maighelspass wöue. Schlussändlech simer ufe Piz Alv gange. Ganz hinde ir Mitti vom Tal.

Zwüschehalt. Ab ize geits gäge Piz Alv.

Dr Schnee isch no nid lang wäg gsi. D Soldanelle bilde d Farbtupfer.

Mir chöme üs vor wie uf üserer Hardangerwanderig. Äs isch nid Norwege äbe Schwitz!

Churz vorem Passo Bornengo quere mir unzählegi Schneefälder

Zmittagsrast uf em Passo Bornengo. Lars hat Hunger und alle andern auch.

Über einen leichten Blockgrat geht es auf den Dreikantonsgipfel (Tessin, Uri, Graubünden)

Piz Alv. Toller Weitblick rundherum u die ganzi Familie isch doben.

Lars isch parat füre Mittagsschlaf. Natürlche uf em Buggu vom Päpu

Dürts Soldanellenmeer geits zrügg zur Hütte.

Einisch mues me wider gah. Äs ish ä super Hütteusflug gsi.

Ufstig zum Lai da Tuma är Rhiquelle....

.....plötzlech steit me vor dere troumhafte Bärgkulisse!

Lars isch uf dr Suechi vo de pfifende Mungge.

Churzi Wägrascht ir Nechi vor Badushütte.

Stotzige Abschlussabstieg vom Pazolastock uf e Oberalppass.

Im Bonstettepark

Lars gniesst d Ussicht im Wurzelsässel

Arvenseeli

Ä chlini Wanderig het üs zu de Arveseeli gfüert. Dr Lars isch säuber underwägs gsi u het sech chönne ustobe.

Glasklar u isig chalt isch ds Wasser vo de Seeli

Bim Abstieg düre Gurnigel its Gasteretal

Unde im Tal hei mer no e chli ir Kander d Füess ufgfrüschet.

Sommerferien

Für einisch hei mir keini grosse Sprüng gmacht i de Ferie. Vo Däheime us si mer zur Doldehornhütte gwanderet. Dr Lars isch äs grosses Stück sälber gloffe.

Ändlech wider Badiwätter!!!

Sogar für e Tim!

Ändlech bade!

Dr spärleche Sunneschyn u die warme Temperature muess me usnütze. Lars badet mit Lisa.

Veloferien Wallis, Genfersee, Seeland

Nach dr verrägnete Uffahrt ziehts üs ids sunnige Wallis ga Velofahre. Ziel - dr Sunne entgäge. Schwär bepackt simer mit Gägewind vo Visp bis uf Sion pedalet.

I däm Waud hets ä louschige Lunchplatz gha.....

.... u dr Lars het drbi Intereässe a de Velo zeigt.

Ahänger-mitritte macht durschtig.

Üse ersti Zäutplatz ir Nechi vo Bramois.

Nach Sion ische es dür viel Kulturland gange, u immer am Wasser nache. Dr Schnee isch no bedrohlech nach gsi!

Churz nach däm Zmittagslunch hei mir Martigny erreicht, wo üs ä bissige Gägewind het erwartet.

Mir fahre dür St. Maurice uf dr suechi nach em Zäutplatz wo keine ischgsi!.....

......Mir hei witeri 20km bis a Genfersee müesse pedale. Die guetig 75km a däm Tag si meh aus gnue gsi. So hei mir de ändlech in Bouveret ä nordische Camping gfunde.

Nach emne Rägesprutz ir Nacht isch es wider troche worde. Dr Lars isch scho schnäu parat gsi!

Mir dürfahre wogendi Chornfäuder. Leider hets a däm Tag ä Schluchdefekt gä.

Mir chöme ad Goudküschte. Dr Afang macht Schloss Chillon.

Mir verlasse z Rhonetal u Montreux.....

....u fahre dür unzählegi Räbe Lausanne zue.

Lars wots genau wüsse wo mer am nächste Tag düre wei!

Üs isches mängisch vorcho als wäremer am Meer.

Über verschiedeni Hüguzüg verlasse mir dr Genfersee u fahre richtig Seeland.

D Ächer si parat ud Natur spielt mit de Farbe.

Churz vor Yverdon hets dr letscht Halt gä.

Ds warme Wätter het durschtig gmacht.

Zwüsche Yverdon u Cudrefin isch viel Päch gläge. Scho nach 7km het Urs ä Pladi gha u es het i Ströme grägnet. Dr Flick het aber nid lang gha. So simer z Fuess par Kilometer bis Yvonand. Da es dert kei Velohändler het gha si mer mit em Zug bis Estavayer-le-Lac. Dert hets du klappet mit emne nöie Schluch. Vo dert simer du über Portalban bis nach Cudrefin. Ds Wätter isch besser worde u mir hei alles troche chönne ufstelle, das isch viel wärt gsi.

Dr Zäutplatz hei mer für üs gha u ou d Lag isch nid z verachte gsi.

Troumhafti Abestimmig über em Neuenburgersee

Dr Lars het ganz äleini dr Zmorge-Zähnputz gmacht!

Über Sugiez, Kerzers isch es Bern entgäge gange. Am idyllische Aare-Saane Zämefluss hei mir dr Mittag gnosse.

Lars het gsteinelet.

Dr Mühleberg Stutz bim AKW isch tatsächlech zum stosse gsi!

Vom Wohlensee isch es nümme wyt gsi bis Bern. Vo dert simer mit em Zug wider hei.