Mi erscht Geburi

Juhee!!! Ä Schlitte ...

vor Gotte, jetz bin ig parat für e Winter!

Was isch äch im nächschte Päckli?

Äs Xilophon, vor Tante Britta!

Jetz no z'Paket vom Götti, da muess me no öppis montiere u ig darf sogar hälfe!

Mit Stüürad laat sechs besser lah stüüre

O wenn ig scho chli fescht müed bi, muess ig glich ab em Cherzli stune u no vil meh wo alli mir hei äs Geburiständli gsunge!

Dr Tag druf chan ig am Luca mini Geburigschänk vorfüere, so si mir lang beschäftiget u es wird üs nid längwilig!

Erster Schnee

Ize isch er cho - dr erschti Schnee! Vom Sunntig uf e Mäntig hets ä stattlechi Mängi gä. Är isch schwär gsi, das mänge Boum die Lascht nid het chönne ushaute u knickt isch.

Schön isch es glich - wider einisch Schnee u dr Garte cha bis nächsts Jahr warte!

Scho gli chani Loufe!

"Uiiiii! Lueget doch eis, wie guet das ig scho cha loufe" Mit sim Houzchlötzli Wägeli isch Lars scho ganz guet underwägs.....

....u isch ganz stolz druf.

Eis bis zwöi Mau ir Wuche chunt der Luca dr Lars bi üs cho bsueche.

Ganz fridlech chöi de die zwee mitendand spiel u gägesittig Sache abluege (Schublade usrumme, Tüüre uftue...)

Am Abe we dr Päpu de vom Schaffe heichunt tüe mer zäme no chli Lööle - Lars cha de i aune Tön gugele!

Lars wird aktiv

Fasch jede Tag entdeckt Lars nöii Sache, wo är cha usprobiere. Vo letscht het dr Windle Ghüderchubel müesse usgrumt wärde.........

.......oder no interesanter - bim WC ga luege wie viel Papier so uf ener Rolle isch!

In Gedanken

Auf dem Gipfel zu stehen heisst auch - dem Himmel am nächsten zu sein!

Herbstwanderung Tessin Panoramen

Seit langen wieder einmal in Ces

Es sieht noch fast so aus wie in den Kindererinnerungen......

Veridirum, das WWF Haus

Aussicht von der Rif. Sponda oberhalb Chironico

Nach der Überquerung des Bassa del Barone lockt die Cab. Barone

Panoramen

Panorama SAC Wanderung
Blick Richtung Schwarzhorn - Wildgerst


Lunch am Häxenseeli



Bein Abstieg auf die Grosse Scheidegg

Schwarzhorn Umrundung

Füre SAC het der Urs eigentlech ä Familie-Wanderig planet gha. Wüll sech aber usser Götti u Tannte niemer het agmäudet gha hets haut äbe ä Familie-Wanderig gä - no originell oder?!

Hie si mer äbe scho chli wyter hinde als First, uf em Wäg zum Bachalpsee mit Ussicht uf allii schöne Bärge vo üsem Bärner Oberland.

Töif unde dr Bachalpsee...

.....dr Lars het z Panorama ersch speter gnosse - är het gmüetlech im Huckepack pfüselet.

Dr Wäg isch alles hinderem Widderfeldgrätli düre gange - so dür nes Hochtäli. Dert hets wyteri Seeli gha. Hagelseeli.....

..... und Häxeseeli. Dert hei mer alli de ou üse gross Hunger bändiget.

Üse Chlinscht hez sichtlech gnosse - so wie die Grosse!

Götti Tinu mit sim Lars

Äs isch du wyter gange em Wart entgäge. Das isch dr Pass zwüschem Schwarzhorn um Wildgärst.

Heftig isch es du nitzi gange, em Schrybershörnli entgäge.

D Bärgbluemepracht het immer no alles gä.

Vom Scheidegg Oberläger isch es du uf die Grossi Scheidegg gange, wo mir die super Wanderig mit ere tüüre Poschifahrt hei abschlosse!

Lars am Gigampfe

Judihuii! Ig cha ize scho gigampfe. Dr Päpu het mir ar Birke es luschtigs Gigampfi montiert. Cool hä!

Veloferien Rheinroute

Üser Veloferie starte so richtig nach ere Zugfahrt dürz Goms um Urseretal - nämlech uf em Oberalppass

Rassant isch es der Pass achegange

Scho gli hei mir aber ou müesse Stigige überwinde - mä chönti meine der Rhii fliessi nid immer gäge abe!

Dr Lars het sini Fröid gha - vorallem denn, we mir hei müesse chiche :-)

Uf em Zäutplatz Chur hei mir üs igrichtet - so isch das jede Tag gange.

Uf em Rhiidamm ä churzi Pouse

Churz vorem Bodesee het em Urs d Luft verlah ud Panne ighout. Aues halb so schlimm - ou d Öschtricher hei Velogschäft!

Z Urgrossmueti z Thal bi Rheineck het ä wahri Fröid gha, wo mir sie si cho bsuche.

Eine vo de wenige schlächte Täg/Äbe vo üsne Ferie - z Arbon het üs dr Räge us em Weschte ighout.

Dr Lars het sech nüt la amerke - är het si Spass gha u het tapfer güebt z schnagge!

Z Konstanz hei mir d Fähre gno nach Meersburg. Fähre fahre isch doch eifach Ferie! oder nid?

Schöni Dörfer zwüsche Meersburg u Überlingen am Dütsche Bodesee/Überlingersee Ufer.

Trotz "Camping belegt" hei mir uf däm Camping churz vor Überlingen dä Logeplatz chönne bewohne - klar si mir aui no iz erfrüschende Nass ga abchüele.

Vo Überlingen si mir mit em Schiff wider übere See gfahre.

Churz vor Radolfszell hei üs wider Gwitter droht. Mir heis aber no rächtzytig a Schärme bim Bahnhof gschafft u hei dä Gwitterräge la verbigah:

Wunderbari Moorweide churz vorem Horn bi Gaienhofen.

Scho wider ä Gwitterzälle. Die hei mir am Hafe vo Gaienhofen la verbi ga. Mit em Schiff si mir nachhär uf Steckborn gfahre.

I däm schöne Riguhus hei mir chönne äs trochnigs Zimmer bezie.

Stein am Rhein - so äs schöns Stedtli hani no säute gseh i der Schwiitz

Scho gli isch der Munot u dadermit Schaffhausen uftouchet.

Lars ganz stolz vorem Rheinfall. Mir heis z stand bracht alli drü z erste mal hie z si.

I der Nechi vo Kaiserstuhl hei mir ä schöne Zäutplatz gfunde - spannend ou, wüu är diräkt under der Aflugschneise vo Klote isch gsi. Mir hei fasch Äckegstabi übercho wüu mir ade A340, Boeing 747 usw. hei büesse zueluege.

Schöni Abestimmig am Rhii

Lars gniesst d Morgesunne uf em Camping in Möhlin (CH)

Je wyter mir Basel si cho um so meh si mer dür d'Industrie gfahre.

Üses Ziel - Basel - isch immer necher cho.....

......mir hei üs u gfröit hei mer das gschaft zäme mit em Lars - vom Oberalp bis uf Basel ache z fahre. Vor Einsame Natur id Zivilisation